” ‘n Leser leef duisend lewens voordat hy sterf… Die man wat nooit lees nie, leef net een. ” – George R. R. Martin
Wat Maak Ons Program Uniek
“Kom ons lees Afrikaans”, is ‘n program om beginners te leer om Afrikaans te lees. Die beginsel waarop hierdie boek gebaseer is, kom van die Amerikaner, Noah Webster. Hy het daarin geslaag om ‘n eenvoudige leesboek saam te stel om mense te leer lees en spel deur die klankmetode. Dit is dan ook die metode wat in hierdie program gebruik word.
Ons Program Se Doelwitte
- Om vinnige, akkurate, mondelingse oefening te gee van klanke. Wanneer die leerling hierdie program bemeester het, sal hy ander leesboekies met gemak kan lees en geniet.
- Om ouers en onderwysers ‘n hulpmiddel in die hand te gee om lees weer lekker te maak vir ons kinders.
- Om ‘n liefde vir lees te kweek. Wanneer ‘n leerling die klankmetode begryp, vergemaklik dit die leesproses en moedig dit die leerling aan om te lees.
Ons Produkte
Oor Ons Skryfster
Ek is die mamma van twee biologiese dogters, drie aangenome dogters en twee aangenome seuns. Ek is ook ‘n ouma van een kleinseun en twee kleindogters, en ek het twee skoonseuns.
Ek het my oudste twee kinders tuis geskool toe tuisonderwys in Suid-Afrika skaars wettig was en tans doen my jongste vyf tuisonderrig.
In totaal het ek 16 jaar tuisskool ondervinding.
Een van my dogters het gesukkel met lees. Ek het ‘n Engelse kursus gebruik om haar te leer Engels lees en die metode was baie suksesvol. Ek het ook gedurende daardie tyd klas gegee by ‘n ACE-skool, waar dieselfde metode gebruik is met uiterste sukses.
Tot my spyt kon ek nie ‘n Afrikaanse leeskursus kry wat hierdie metode gevolg het nie. Dus het ek ‘n Afrikaanse leeskursus geskryf om my eie dogter te leer lees en het dit buitengewoon suksesvol gevind.
Nadat ander tuisskool mammas my genader het om hulp, het ek hierdie kursus herskryf en stel ek dit nou beskikbaar.
Kontak Ons
Kontak ons gerus per whatsApp of telefonies op: +27 (0) 82 330 7170, stuur vir ons ‘n e-pos na kontakons@komonsleesafrikaans.co.za, of ‘n boodskap met ons kontakvorm: